د دریم الف مکروریان د ۱۳۸ بلاک مخې ته د سړک د ترمیم د پروژې پرانسته!
د دریم الف مکروریان د۱۳۸ بلاک مخې دويجاړ شوي غځېدلې لاره د سيد ميرجان اغا جومات د محترمو اوسېدونکو په همکارۍ ترميمېږي!
د پرانستلو په مراسمو کې محترم مولوي سیف الله خالد مالي واداری مرستیال،محترم مجاهد انصار، تخنیکي او عملیاتي مرستیال، ذبیع الله مطمئن، د حفظ او مراقبت آمر او د دریم مکروریانو یو شمیر اوسیدونکی ګډون کړی وو. محترم مولوي سیف الله خالد د مکروریانو له اوسیدونکو څخه د مننې په ترڅ کې وویل چې دا یې ښه بیلګه ده چې خلک د افغانستان اسلامي امارت سره همکاري کوي او موږ هم ژمنه کوو چي له هیڅ راز همکارۍ څخه دریغ ونه کړو. او تل هڅه کوو چې د مکروریانونو او اړوندو پروژو کې د مکروریانو درنو اوسیدونکو ته چټک او با کیفیته خدمات وړاندې کړو.
